တချို့သူတွေက ဘာကြောင့်အလွယ်တကူ ချမ်းသာလာကြပြီး၊ တချို့ကဘာကြောင့် ငွေရေးကြေးရေးမှာ ရုန်းကန်ရဖို့ ကံပါလာသလဲ သင်စဉ်းစားဖူးလား? သူတို့ရဲ့ ပညာရေး၊ ဉာဏ်ပညာ၊ စွမ်းရည်၊ Timing ကိုက်မှု၊ ကံကြမ္မာ၊ အလုပ်ခွင် ရွေးချယ်မှု၊ စီးပွားရေးနဲ့ ရင်းနှီးမြှုပ်နှံမှု စတာတွေမှာ ကွာခြားမှုတွေရှိလို့လား? အံ့ဩစရာ အဖြေကတော့ ဒီအချက်တွေနဲ့ တစ်ခုမှ မသက်ဆိုင်နေပါဘူး။

စာ‌ရေးဆရာ T.Harv Eker ဟာ သူရဲ့နာမည်ကြီး “Secrets of the Millionaire Mind” စာအုပ်ထဲမှာ၊ သူ့ကို အချိန်ငါးမိနစ်ပေးရုံနဲ့ သင့်ရဲ့ဘဝတစ်လျှောက် ကျန်ရှိတဲ့ ငွေကြေးဆိုင်ရာ အနာဂတ်ကို ခန့်မှန်းပြနိုင်တယ်လို့ ရေးသားထားခဲ့တယ်။ Eker ကဒါကို သင့်ရဲ့ ငွေကြေးနဲ့ အောင်မြင်မှု Blueprint ကို ရှာဖွေဖော်ထုတ်ပြီး လုပ်ဆောင်ပြမှာပါ။ ကျွန်တော်တို့ အားလုံးရဲ့ မသိစိတ်မှာ ကိုယ်ပိုင်ငွေကြေး Blueprint တွေ ကိန်းအောင်းနေကြတယ်။ သင်ဟာ Marketing၊ အရောင်း၊ ရင်းနှီးမြှုပ်နှံမှု စတာတွေအားလုံး ကျွမ်းကျင်ပေမယ့်၊ သင့်ရဲ့ Blueprint က ကြီးမားတဲ့ အောင်မြင်မှုရဖို့ ကံမပါလာရင် သင့်မှာ ငွေအမြောက်အမြား ရှိလာနိုင်မှာ မဟုတ်ဘူး။ ဒါပေမယ့် ကံကောင်းစွာနဲ့ သင့်ရဲ့ ငွေကြေး Blueprint ကို အောင်မြင်မှုဆီ တက်လှမ်းဖို့ ပြန်လည် Reset လုပ်နိုင်ပြီး၊ ဒါကို “Secrets of the Millionaire Mind” စာအုပ်မှာ လေ့လာရမှာပါ။