Business

Grow the Core ဆိုတဲ့ စာအုပ်လေးကိုတော့ David Taylor ရေးသားထားပြီး စီးပွားရေးလုပ်ငန်းတွေအနေနဲ့ နယ်ပယ်အသစ်တွေကိုချဲ့ထွင်မယ့်အစား အဓိက ကမ်းလှမ်းထားတဲ့အရာတွေကို ပိုခိုင်မာလာအောင် လုပ်ဆောင်နိုင်မယ့် နည်းဗျူဟာကျ လမ်းညွှန်ချက်တွေအကြောင်းရေးသားဖော်ပြထားပါတယ်။ ဒီစာအုပ်ထဲမှာဆိုရင်တော့ ကိုယ့်စီးပွားရေးလုပ်ငန်းရဲ့ Core တွေကို ဘယ်လိုခိုင်မာအောင်လုပ်ဆောင်မလဲဆိုတဲ့အကြောင်းတွေ၊ Customer Loyalty များလာအောင် ဘယ်လိုဖန်တီးနိုင်မလဲဆိုတဲ့ အကြောင်းအရာတွေ၊ Core အတွင်းမှာ တီထွင်ဆန်းသစ်မှုတွေ ဘယ်လိုပြုလုပ်နိုင်မလဲဆိုတဲ့အကြောင်းတွေနဲ့၊ brand တစ်ခုအောင်မြင်ဖို့အတွက် ရိုးရှင်းမှုနဲ့ ရှင်းလင်းပြတ်သားမှုကို အသုံးပြုနိုင်မယ့်အကြောင်းအရာတွေကိုအသေးစိတ်ဖော်ပြထားပါတယ်။ တကယ်လို့ မိတ်ဆွေအနေနဲ့ ကိုယ့်လုပ်ငန်းရဲ့ အဓိကစီးပွားရေးကိုပိုခိုင်မာစေဖို့အတွက် မျှော်လင့်ထားတယ်ဆိုရင်၊ ရေရှည်အောင်မြင်မှုရရှိလိုတယ်ဆိုရင်၊ အကျိုးအမြတ်တွေတိုးလာလိုတယ်ဆိုရင် ဒီစာအုပ်လေးကို ဖတ်ရှုဖို့အကြံပေးချင်ပါတယ်။